Framkvæmda- og hafnarráð Vestmannaeyja fjallaði um hugmyndir um endurbygginigu Gjábakkakants á fundi sínum í vikunni.
Áður hafði hafnarstjóra verið falið að útbúa minnisblað um tillögur að lausnum vegna endurbyggingar á Gjábakkakanti. Hafnarstjóri kynnti þær þrjár hugmyndir sem komu upp í samtali við Vegagerðina og fór yfir kosti og galla hverrar um sig sem og áætlaðan kostnað.
Í niðurstöðum ráðsins segir að ráðið telji tillögu 2 ákjósanlegasta kostinn þar sem sá kostur býður upp á móttöku á ekjufraktskipum en slík aðstaða er ekki til staðar í dag. Með slíkri aðstöðu aukast tekjumöguleikar hafnarinnar. Ráðið fól framkvæmdastjóra umhverfis- og framkvæmdasviðs og hafnarstjóra að hefja vinnu og undirbúning að tillögu 2 (áfanga 1) í samstarfi við Vegagerðina.
Útfærslu á tillögu 2 má sjá hér að neðan.
