Enn er stormur í Vestmannaeyjum. Klukkan 18.00 mældist 31 m/s á Stórhöfða og slógu hviður upp í 38 m/s. Björgunarfélag Vestmannaeyja hefur sinnt fok-útköllum síðan um miðjan dag.
Að sögn Arnórs Arnórssonar, formanns Björgunarfélags Vestmannaeyja hafa félagsmenn farið í níu útköll það sem af er degi. Hann segir að allt séu þetta minniháttar foktjón.
Samkvæmt veðurspánni á að lægja þegar líður á kvöldið, fremur hæg breytileg átt um hádegi á morgun og bjartviðri, en snýst í vaxandi suðaustanátt og þykknar upp annað kvöld.
Óskar Pétur Friðriksson, ljósmyndari fylgdi björgunarsveitinni eftir í dag og má sjá fleiri myndir hér að neðan.
Veðrið á Stórhöfða sl. klukkustundir:
Tími | Vindur | Mesti vindur / hviða | Hiti | Uppsöfnuð úrkoma | Raka- stig |
---|---|---|---|---|---|
Sun 09.10 kl. 18:00 |
31 m/s | 32 m/s / 38 m/s | 3,1 °C | 0 mm / 1 klst | 78 % |
Sun 09.10 kl. 17:00 |
32 m/s | 32 m/s / 39 m/s | 3,2 °C | 0 mm / 1 klst | 80 % |
Sun 09.10 kl. 16:00 |
29 m/s | 32 m/s / 40 m/s | 3,5 °C | 0 mm / 1 klst | 79 % |
Sun 09.10 kl. 15:00 |
30 m/s | 31 m/s / 38 m/s | 3,3 °C | 0 mm / 1 klst | 82 % |
Sun 09.10 kl. 14:00 |
29 m/s | 30 m/s / 36 m/s | 3,2 °C | 0 mm / 1 klst | 86 % |