Herjólfur flutti í ágúst 61.577 farþega og 15.893 farartæki. Þetta kemur fram í tölum frá Herjólfi ohf.

Hörður Orri Grettisson, framkvæmdastjóri Herjólfs segir að á seinustu árum sé það bara árið 2020 sem Herjólfur flytur færri farþega í ágústmánuði en í ár.

Þessu tengt: Metfjöldi farþega með Herjólfi á fyrri hluta árs

„Fyrstu 8 mánuði ársins höfum við flutt 265.771 farþega og það sama á við hér, aðeins árið 2020 erum við að flytja færra fólk fyrstu 8 mánuðina en í ár. Þetta eru þó ekki tölur sem eru að koma okkur á óvart og eru í takt við þá heimsmynd sem við búum við og þær áætlanir sem við höfðum lagt upp með og fylgjum.” segir Hörður Orri.