Í vikunni komu 9.205 gestir á Víti í Vestmannaeyjum og alls hafa því 19,234 séð hana eftir aðra sýningarhelgi. Fróðlegt verður að sjá hvort myndinni tekst að fara yfir 40 þúsund gesta markið en það ætti að vera ljóst eftir 2-3 vikur.

Um þessar mundir eru hvorki meira né minna en fimm íslenskar bíómyndir í sýningum í kvikmyndahúsum landsins. Það er afar fátítt en þó ekki alveg óþekkt, segir í frétt á vefsíðunni Klapptré.