Sinfóníuhljómsveit Íslands var sem kunnugt er með tónleika hér í Eyjum í gær. Einnig heimsóttu hljóðfæraleikarar ýmsa staði í gærdag. Einn af þeim stöðum var Hraunbúðir, en þangað kom strengjakvartett.
Í frétt á hraunbudir.is segir að í gær hafi heimilisfólk fengið að njóta strengjakvartetts sem lék fyrir heimilsfólk og starfsfólk af mikilli snilld. Strengjakvartettinn saman stendur af Nicola Lolli 1.fiðla, Vera Panitch 2.fiðla, Þórunn Ósk Marinósdóttir, víóla og Bryndís Halla Gylfadóttir, selló.
Við viljum þakka þessum frábæru listamönnum og Sinfóníunni fyrir þessa frábæru heimsókn og glæsilegan tólnlistarflutning, segir ennfremur í frétt á heimasíðu Hraunbúða.
