Landað í Eyjum og Hafnarfirði

24.Nóvember'22 | 17:51
bergur_nyr_2022

Bergur VE landaði fullfermi í Vestmannaeyjum á þriðjudag. Ljósmynd/TMS

Bergur VE landaði fullfermi í Vestmannaeyjum á þriðjudag og Vestmannaey VE landað einnig fullfermi í Hafnarfirði í gær. 

Rætt var við Ragnar Waage Pálmason, skipstjóra á Bergi, og Egil Guðna Guðnason, skipstjóra á Vestmannaey, á vef Síldarvinnslunnar í dag. 

Ragnar sagði að veiðiferðin hjá Bergi hefði gengið vel. „Við vorum tvo og hálfan sólarhring höfn í höfn. Veitt var á Víkinni og í Reynisdýpinu. Meirihluti aflans var ufsi en síðan var hann blandaður. Við þurftum að fara til hafnar sl. laugardag og þá var landað 35 tonnum. Við munum halda á ný til veiða í dag enda hefur veðrið heldur skánað frá því sem verið hefur,“ segir Ragnar.

Egill Guðni Guðnason segir að afli Vestmannaeyjar hafi verið afar blandaður en mest af þorski og karfa. „Við fórum á Vestfjarðamið að þessu sinni. Hófum veiðar á Kópanesgrunni og Nesdýpi en síðan var haldið á Halann og í Djúpálinn. Veðrið slapp til. Við gátum verið að veiðum allan tímann. Það kom síðan skítaveður á þessum slóðum akkúrat þegar við vorum komnir í land,“ segir Egill Guðni.

Vestmannaey hélt til veiða á ný síðdegis í gær.
 

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).