Boða framhaldsaðalfund í lok ágúst

Talsvert hefur gustað um félagið að undanförnu og sagði handknattleiksráðið m.a. af sér í gær vegna breytinga sem aðalstjórn hafði boðað á tekjuskiptingu deilda félagsins.

Þessu tengt: Segir viðmót aðalstjórnar til skammar

Fram kemur á vefsíðu ÍBV-íþróttafélags í kvöld að á fundinum í gær hafi reikningar félagsins legið fyrir til staðfestingar ásamt tillögu stjórnar um skipun nefndar. Þá segir að fundurinn hafi verið vel sóttur af félagsmönnum og stóð hann í rúmar þrjár klukkustundir.

Enn fremur segir í fréttinni að stjórnarkjöri, kosningu formanns, kosningu í fulltrúaráð, kosningu skoðunarmanna og liðnum öðrum málum hafi verið frestað til framhaldsaðalfundar sem fyrirhugaður er undir lok ágústmánaðar.