Samþykkja ekki deiliskipulagstillöguna í núverandi mynd

28.Júní'22 | 15:22
efri_haed_tolvun_ads_cr

Tölvugerð mynd af deiliskipulagstillögu á Strandvegi 51. Mynd/aðsend

Umhverfis- og skipulagsráð Vestmannaeyja getur ekki samþykkt deiliskipulagstillögu Strandvegs 51 í núverandi mynd. Þetta kom fram í afgreiðslu ráðsins, en ein sameiginleg umsögn nágranna barst vegna málsins.

Nágrannarnir sem standa að umsögninni eru búsettir við Strandveg 49 og Herjólfsgötu, 2, 5, 6 og 7. Umsögnin felur m.a. í sér áhyggjur vegna fjölda íbúða, umfangi byggingarinnar og bílastæðum á svæðinu.

Þessu tengt: Nýtt og glæsilegt fjölbýlishús fyrirhugað á Tölvunarreitnum

Taka undir athugasemdir nágranna

Fram kemur í niðurstöðu umhverfis- og skipulagsráðs að ráðið sé hlynnt uppbyggingu á Strandvegi 51 enda gerir deiliskipulag svæðis ráð fyrir frekara byggingarmagni á reitnum en nú er og aðsókn hefur verið í íbúðir miðsvæðis. Mikilvægt er að slíkar viðbætur séu afar vel ígrundaðar og í sem mestri sátt við umhverfið og hægt er. Ráðið tekur undir athugasemdir nágranna m.a varðandi umfang byggingar og bílastæði og getur ekki samþykkt deiliskipulagstillöguna í núverandi mynd.

Ráðið fól starfsmönnum sviðsins að ræða við lóðarhafa.
 

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...