Risaleikur í Eyjum í dag

28.Maí'22 | 05:30

Búast má við að uppselt verði á áhorfendapallana í dag. Ljósmynd/Óskar P. Friðriksson

Það má segja að það sé allt undir í fjórða leik ÍBV og Vals sem fram fer í dag. Eyjamenn verða að vinna til að tryggja sér oddaleik að Hlíðarenda.

Valsmenn leiða einvígið 2-1 og geta með sigri tryggt sér Íslandsmeistaratitilinn.

Upphitun verður frá kl. 14:00 fyrir utan Íþróttamiðstöðina. Lifandi tónlist, þar sem Klaufar stíga á stokk með Bigga í Gildrunni og Siggu Guðna í fararbroddi. Þá verða grillaðir borgarar og svalandi drykkir til sölu, sjoppan verður opin og hoppukastalar fyrir krakkana, segir í tilkynningu á facebook-síðu handknattleiksdeildar ÍBV.

Leikurinn sjálfur hefst svo klukkan 16.00, en fyrir þá sem ekki komast að styðja strákana má benda á að Stöð 2 Sport sýnir leikinn beint.