Óska eftir aukafjárveitingu vegna dýpkunar

Við frekari dýptarmælingar kom í ljós að dýpka þarf stærra svæði en ráðgert var. Hafnarstjóri telur einnig þörf á að dýpka í innsiglingarennunni til að auðvelda móttöku stórra skipa. Könnun á kostnaði gerir ráð fyrir 45 milljónum í verkið, segir í fundargerð framkvæmda- og hafnarráðs.

Ráðið óskar eftir því við bæjarráð að veitt verði aukafjárveiting á árinu 2022 að upphæð 15 milljónir til að mæta auknum kostnaði við dýpkun á árinu 2022. Fjárhæðin skal fjármögnuð með eigin fé Vestmannaeyjahafnar.