Hildur Sólveig Sigurðardóttir skrifar:

Gleðilegan kjördag!

14.Maí'22 | 14:47
18 manna vinahópur

Ljósmynd/aðsend

Kæru Vestmannaeyingar, í dag göngum við til kosninga um nýja bæjarstjórn Vestmannaeyja. Sjálfstæðisflokkurinn hefur lagt sig fram við að há drengilega, jákvæða og skemmtilega kosningabaráttu þar sem styrkleikar allra frambjóðenda hafa fengið að njóta sín. 

Við höfum haldið tugi viðburða, fengið hundruðir heimsókna í Ásgarð og notið samtalsins við fjölda vinnustaði, fjölmiðla og íbúa. Saman höfum við mótað sterka og ábyrga stefnu fyrir Vestmannaeyjabæ til næstu fjögurra ára með bjartri framtíðarsýn enda eru tækifærin í Vestmannaeyjum óþrjótandi. 

Kjósandi góður, við teflum fram öflugum 18 manna lista. Sá hópur sem er í dag orðin vinahópur mun í samvinnu við öflugan bæjarstjóra sem við munum ráða náum við meirihluta, stýra sveitarfélaginu í átt til bjartrar framtíðar. Þann einstakling munum við velja af mikilli kostgæfni þegar og ef við fáum umboð til. 

Ég þakka frábæra tíma með bæjarbúum í kosningabaráttunni og horfi björtum augum til komandi kjörtímabils. 

 

Hildur Sólveig Sigurðardóttir 

Skipar 2. sæti framboðslista Sjálfstæðisflokksins.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Glæný fýlsegg

17.Maí'22

Er kominn með glæný fýlsegg. Upplýsingar í síma 8693499, Georg.