Hildur Sólveig Sigurðardóttir, Kolbrún Anna Rúnarsdóttir og Unnur Tómasdóttir skrifa:

Hlúum vel að eldri borgurum

12.Maí'22 | 10:57
Eldri borgarar mynd - hildur, kolbrún, unnur

Greinarhöfundar fyrir utan Hraunbúðir. Ljósmynd/aðsend

Við hjá Sjálfstæðisflokknum viljum að þjónusta við eldri borgara sé framúrskarandi. Þetta er sá hópur íbúa sem á á undan hefur gengið, mótað samfélagið okkar og með kröftum sínum og tíma byggt þann góða grunn sem Vestmannaeyjar standa á í dag. 

Því teljum við það ekki bara metnað okkar heldur einfaldlega skyldu að hlúa einstaklega vel að þessum hópi fólks.

Aðstaða og aðbúnaður þarf að vera til fyrirmyndar

Það er mikilvægt að það húsnæði sem völ er á bæði fyrir eldri borgara til eignar, og til veitingar þjónustu fyrir eldri borgara sé eins og best verður á kosið. Við viljum 

  • Skipuleggja íbúðakjarna miðsvæðis í bænum sérstaklega hugsaðan fyrir 60 ára +
  • Við viljum að húsnæði hjúkrunarheimilis sé framúrskarandi og þjóni þörfum heimilismanna
  • Við viljum að húsnæði dagdvalar endurspegli fjölbreytileika þeirrar þjónustu sem þar er veitt
  • Við viljum að húsnæði félags eldri borgara, Kviku, sé í sífelldri mótun með þarfir félagsmanna að leiðarljósi

Þjónusta

Vestmannaeyjabær og HSU eru helstu þjónustuveitendur eldri borgara. Við viljum efla þessa þjónustu enn frekar. Við viljum

  • Bjóða upp á dagdvöl alla daga vikunnar
  • Efla enn frekar samvinnu stuðningsþjónustu og heimahjúkrunar fyrir eldri borgara.
  • Virkja félagasamtök og áhugahópa í að eiga virkt samstarf við eldri borgara
  • Við viljum auka við þjónustuíbúðir fyrir eldri borgara
  • Við viljum fá aftur rekstur Hraunbúða á forræði sveitarfélagsins með sanngjörnum fjárframlögum ríkisins
  • Við viljum móta framtíðarstefnu í öldrunarmálum og hefja samtalið við ríkið á byggingu nýs hjúkrunarheimilis

Forvarnir og álögur

Það er mikill ávinningur falinn í því fyrir íbúa, sveitarfélög og ríki að eldri borgurum sé gert kleift að búa eins lengi og kostur er í heimahúsum. Á kjörtímabilinu hætti, illu heilli, meirihluti bæjarstjórnar að fella niður fasteignaskatta á eldri borgara líkt og Sjálfstæðisflokkurinn hafði gert í áraraðir. Það hefur verið keppikefli Sjálfstæðisflokksins að tryggja að álögur á þennan hóp séu eins lágar og kostur er. Við viljum:

  • Halda áfram með og efla Janusarverkefnið,
  • Skoða í samstarfi við félag eldri borgara möguleika til eflingar félagslegrar virkni eldri borgara með það að markmiði að bæta lífsgæði, andlega líðan og draga úr einangrun
  • Tryggja að álögur á eldri borgara séu eins lágar og kostur er

Þessa þætti og fleiri viljum við leggja áherslu á, á komandi kjörtímabili fáum við stuðning til. Við sækjumst eftir þínum stuðningi til að hlúa enn betur að okkar bestu borgurum, því hér eigum við heima. 

 

Hildur Sólveig Sigurðardóttir 2. Sæti

Kolbrún Anna Rúnarsdóttir 9. Sæti

Unnur Tómasdóttir 18. Sæti 

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).