Díana Íva Gunnarsdóttir skrifar:

Hverju er ég að henda?

11.Maí'22 | 13:36
diana_i_ads

Díana Íva Gunnarsdóttir

Þegar við hendum hlutum sem við höfum ekki lengur þörf á þá er mikilvægt að við séum meðvituð um hvernig við skiljum við úrganginn á réttan hátt.

Margir gera sér ekki grein fyrir nauðsyn þess og spyrja því oft „Hvers vegna er mikilvægt að ég flokki?“ Mikil vitundavakning hefur orðið varðandi rétta sorpflokkun síðustu ár, en við eigum og megum gera mun betur í þeim efnum.

Komum í veg fyrir óþarfa urðun

Stutta svarið við þessari spurningu er að ef við flokkum ekki úrganginn okkar þegar við hendum honum þá erum við að henda öllu beint í urðun. Að láta sorp sitja og urðast hefur neikvæðar afleiðingar þar sem sumt sorp gefur frá sér eitraðar lofttegundir, eins og metan, þegar það brotnar niður. Metan er töluvert eitraðara en koltvísýringur og er ein helsta orsök loftslagsbreytinga.

Loftslagsbreytingar og áhrif þeirra á samfélög og náttúru eru ein helsta áskorun alþjóðasamfélagsins. Ísland er meðal þeirra þjóða sem losa mest af gróðurhúsalofttegundum miðað við höfðatölu. Afleiðingar loftslagsbreytinga hér á landi eru hvað sýnilegastar í hraðri bráðnun jökla, spár um aukna úrkomu, tíðari eldgos og hækkandi sjávarborð.

Grenndarstöðvar

Bæta má sorpflokkun töluvert hér á Vestmannaeyjum með tilkomu grenndarstöðva.. Grenndarstöðvar eru afmarkaðir staðir þar sem einstaklingar geta skilað flokkuðum úrgangi í viðeigandi gáma. Markmið stöðvanna er að bæta flokkun á endurvinnanlegum efnum og draga þannig úr urðun.

Ef við erum öll meðvituð um hvað er hægt og ekki hægt að endurvinna og flokkum úrgang okkar í samræmi við það, ættum við að tryggja að okkar kynslóð og komandi kynslóðir geti enn lifað og dafnað í Vestmannaeyjum. Ef allir leggja meira á sig við að aðskilja hart og mjúkt plast, lífrænan úrgang, pappír og blandaða endurvinnslu í mismunandi tunnur, frekar en að henda öllu í eina ruslatunnu, munum við byrja að sjá breytingar til hins betra.

Náttúran er takmörkuð auðlind sem ber að nýta vel. Flokkun til endurvinnslu sparar auðlindir jarðar, orku og dregur úr urðun.

 

Díana Íva Gunnarsdóttir

Höfundur situr í 5. sæti Eyjalistans.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.