Framboðsfundur - bein útsending

11.Maí'22 | 19:25

Ljósmynd/samsett

Á laugardaginn nk. ganga landsmenn til sveitarstjórnarkosninga. Af því tilefni efna fjölmiðlarnir í Eyjum til opins framboðsfundar í Eldheimum í kvöld.

Fulltrúar framboðanna þriggja sem bjóða fram í Eyjum, Þ.e. Eyjalistans, Fyrir Heimaey og Sjálfstæðisflokksins, verða á fundinum til að kynna framboðin og svara spurningum fundargesta.

Fundurinn hefst kl. 20:15, en húsið opnar kl 20:00 og verða léttar veitingar í boði. Beint streymi frá fundinum má sjá neðst í þessari frétt.

Dagskrá:

Einn frambjóðandi frá hverjum lista fá um 5 mín. til að kynna framboðin fyrir fundargestum (alls 15 mín.).
Frambjóðendum gefst færi á að spyrja önnur framboð 2-3 spurninga (um 15 mín.).
Fundargestum gefst færi að spyrja frambjóðendur hnitmiðaðra og málefnalegra spurninga (um 60 mín.)
Einn frambjóðandi frá hverjum lista fá 3 mín. í formi lokaorða (um 10 mín.).