Guðríður Jónsdóttir skrifar:

Menntun er máttur

9.Maí'22 | 10:37
Gudridur_jons_ads

Guðríður Jónsdóttir

Á þessu tímamótum er vert að líta um öxl og huga að því hvað áunnist hefur sl. kjörtímabil. Það sem stendur mér næst eru skólamálin. 

Það fyrsta sem kemur upp í huga mér er viðmót gagnvart skólafólki, það hefur breyst til batnaðar. Ég finn fyrir aukinni virðingu við starf mitt, áhuga og samvinnu við yfirboðara. Fræðsluráð er einnig sýnilegra og duglegt að kíkja á okkur og fylgjast með okkar vinnu. Það skipti máli. 

Árið 2020 var stofnaður þróunarsjóður fyrir leik- og grunnskólann. Með því er okkur (starfsfólkinu) fengið tækifæri að þróa vinnu okkar, skapa nýtt eða betrumbæta og fá aukalega greiðslur fyrir. Það að koma á fót þróunarsjóði sýnir metnaðinn gagnvart menntun og nýsköpun í kennslu og eykur hvatningu í að gera skólann betri fyrir nemendur okkar. Á næsta kjörtímabili er stefnt á að gera betur með því að hafa tónlistarskólann með.

Á kjörtímabilinu var lagður peningur í spjaldtölvuinnleiðingu GRV og nú erum við komin að þeim tímapunkti að hver nemandi hefur aðgang að sínu tæki sem og kennarar. Ég vil kalla þetta byltingu í kennsluháttum. Við erum komin miklu nær einstaklingsmiðun náms. Tæknin gerir nemendum kleift að vinna verkefni á óhefðbundin hátt, þeir hafa meira val um hvernig þeir nálgast þekkinguna og hvernig þeir skila afurð frá sér. Ekki má gleyma því að með tækninni opnast auknir möguleika fyrir nemendur með námserfiðleika. Verkefnastjóri í eins stóru verkefni er afar mikilvægur. Verkefnastjóri heldur utan um verkefnið, styður okkur (starfsfólkið) og hvetur áfram í að gera betur. Á næsta kjörtímabili er ætlunin að halda verkefnastjóranum og er það vel.

Skólalóðirnar hafa tekið stakkaskiptum og húsgögn hafa verið endurnýjuð í skólastofum.

Rúsínan í pylsuendanum er rannsóknar- og þróunarverkefnið Kveikjum neistann. Það er afar áhugavert verkefni sem komið var á fót á kjörtímabilinu. Skólasamfélagið horfir til okkar og áhuginn þar er gríðarlega mikill. Ég vil meina að við séum að umbylta skólastarfinu með verkefninu. Ég er strax farin að huga að meistaraverkefni mínu í tengslum við Kveikjum neistann. 

Ég er afar spennt fyrir framtíðinni og ætla því að setja X -ið við H laugardaginn 14. maí 2022.

 

Guðríður Jónsdóttir

Grunnskólakennari og háskólanemi.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).