Ekki moka burt hrauninu!

Stöðvum það ferli sem bærinn hefur sett í gang :: Ákall frá ungu Eyjafólki

7.Maí'22 | 11:21
Mynd af hrauni

Ljósmynd/aðsend

Okkur finnst óskiljanlegt að bærinn hafi sett af stað ferli til að moka nær ósnortnum hluta hraunsins í burtu til þess að búa til miðbæ þegar nóg pláss er til staðar til að gera núverandi miðbæ enn betri. 

Það er ekki eingöngu kostnaðurinn við moksturinn og flutninginn á 680 þúsund rúmmetrum af jarðvegi sem eðlilegt er að setja spurningamerki við. Einnig sú staðreynd að í næsta nágrenni er fiskimjölsverksmiðja og mjölgeymslur sem illa passa nálægt byggð. En síðast en ekki síst er það náttúruverndin sem við viljum að í þessu tilfelli fái að ráða för.

Samkvæmt okkar upplýsingum kostar vel yfir þúsund krónur að moka og flytja einn rúmmetra af jarðvegi stutta vegalengd. Því er kostnaðurinn himinhár, eða um milljarður, og hækkar byggingarkostnað verulega. Hvernig á hálfrifið hraunið að líta út, með 20 metra hæðarmun frá vegi til hrauns? Þetta verður ekki falleg sjón.

Fyrir marga Eyjamenn er hraunið næstum því heilagt, sérstaklega sá hluti hraunsins sem lítið hefur verið raskað. Þarna er vinsæl göngu-, hlaupa- og hjólaleið fyrir íbúa og fyrstu fótsporin sem margir ferðamenn taka til að skoða hraunið byrja í skemmtilega regnbogastiganum. Við skorum á frambjóðendur og flokka til að setja alvöru náttúruvernd á oddinn á komandi kjörtímabili og stöðva áform um að moka hrauninu burt.

 

Aníta Lind Hlynsdóttir 

Anna María Lúðvíksdóttir 

Arnar Freyr Ísleifsson

Birta Sól Sæþórsdóttir 

Breki Einarsson 

Eva Sigurðardóttir 

Guðfinna Dís Sveinsdóttir 

Helga Lind Halldórsdóttir 

Helgi Birkis Huginsson 

Jón Ævar Hólmgeirsson 

Klara Örvarsdóttir 

Marcin Kazimierz Zaborski 

María Fönn Frostadóttir 

Melkorka Mary Bjarnadóttir 

Ragnheiður Sigurðardóttir 

Saga Tórshamar 

Salka Sól Örvarsdóttir 

Sigurlaug Margrét Sigmarsdóttir 

 

 

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Glæný fýlsegg

17.Maí'22

Er kominn með glæný fýlsegg. Upplýsingar í síma 8693499, Georg.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.