Eftir Gísla Stefánsson

Orkan hér allt um kring

22.Mars'22 | 08:56
gisli_stef_ads_22

Gísli Stefánsson

Hér í kringum Vestmannaeyjar eru kraftar og orka sem mér finnst mega nýta betur.

Undanfarið hef ég fylgst með þróun sjávarfallavirkjana á Orkneyjum og skrifaði meðal annars grein um það í lok síðasta árs sem birtist á eyjamiðlunum. Þar reifaði ég þá kenningu að framtíðarlausn í orkumálum Vestmannaeyja væri einmitt hér í Vestmannaeyjum. Ég tel það óþarfa að sækja orkuna yfir lækinn ef hana er að finna hér nú þegar.

Í maí sl. út af Orkneyjum, norður af Skotlandi hóf 2 mega-vatta færanlega sjávarfallavirkjun að framleiða rafmagn sem útvegar 2.000 heimilum orku. Gert er ráð fyrir að hún geti annað þessari eftirspurn amk næstu 15 árin.

Slík lausn hér í Eyjum gæti vel séð okkar ca 1.400 heimilum og fyrirtækjum fyrir grænni orku. Það sem fer umfram mætti nýta sem varaafl og upp í orkusæknari vinnslu.

Þrátt fyrir að nýlega hafi verið bætt úr aðgengi okkar að varaafli er alveg ljóst að slíkar varaaflsstöðvar sem ganga fyrir olíu eru barn síns tíma. Nú þegar olíuverð er í sögulegum hæðum og krafan um orkuskipti jafn hávær verður að horfa til nútímalegri lausna. Mér finnst ekki annað hægt eftir það fordæmi sem sett var þegar ákveðið var að nýr Herjólfur skildi ganga fyrir rafmagni.

Þetta er eitt af þeim verkefnum sem ég tel að nauðsynlegt að fái umræðu og verði unnið að á næsta kjörtímabili og mun ég beita mér fyrir því fái ég brautargengi.

Ég óska því eftir stuðningi ykkar í 3. sæti á lista Sjálfstæðisflokksins í prófkjörinu sem fer fram nk. laugardag 26. mars.

 

Gísli Stefánsson 

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).