Bæjarráð: Sögulega slakar flugsamgöngur og illa búið dýpkunarskip

20.Janúar'22 | 21:00
vestmannaeyjar_ur_fjarlaegd

Samgöngurnar milli lands og Eyja hafa oft verið betri en þær eru í dag. Ljósmynd/TMS

Bæjarráð Vestmannaeyja fundaði í gær og var þar einu sinni sem oftar umræða um samgöngumál á milli lands og Eyja.

Fram kemur í fundargerðinni að flugfélagið Ernir hafi byrjað áætlunarflug til og frá Vestmannaeyjum þann 23. desember sl., að undangenginni verðkönnun samgöngu- og sveitarstjórnarráðuneytisins. Flugið er starfrækt með sérstöku framlagi frá samgönguráðuneytinu vegna Covid.

Lykilatriði að klára úttekt á Landeyjahöfn

Jafnframt kom fram að dýpi í Landeyjahöfn hafi versnað og verður dýpkað þegar aðstæður leyfa.

Bæjarstjóri og fulltrúar Vegagerðarinnar eru í reglulegum samskiptum um Landeyjahöfn. Mikilvægt er að tæknileg geta sé til staðar við dýpkunina og huga þarf að því í útboði á dýpkun í Landeyjahöfn. Lykilatriði er að klára úttekt á höfninni og fá úr því skorið hvernig hægt er að bæta hana.

Mikilvægt að leita allra leiða til að efla flugið 

Í niðurstöðu segir að bæjarráð þakki samgönguráðherra og stjórnvöldum fyrir skilning á aðstæðum Vestmannaeyinga er varðar flugsamgöngur og vilja til að finna tímabundna lausn á áætlunarflugi. Mikilvægt er að stíga skrefið til fulls sem fyrst og finna framtíðarlausn á flugsamgöngum til og frá Vestmannaeyjum.

Flugið er nauðsynlegt fyrir atvinnulíf sem treystir m.a. á aðkomu sérfræðinga af fasta landinu, til að draga úr fjarvistum starfsmanna vegna óhóflega langs biðtíma eftir niðurstöðum PCR prófa, til að draga úr sjúkraflutningum sem gætu farið fram með áætlunarflugi í stað sjúkraflugs og síðast en ekki síst til að bæta lífsgæði og ferðafrelsi Eyjamanna sem búa nú við sögulega slakar flugsamgöngur. Mikilvægt er að leita allra leiða til að efla flugið enn frekar og auðvelda flugrekstraraðila að bæta við áætlun sína þegar aðstæður leyfa.

Nauðsynlegt að Vegagerðin skoði aðrar leiðir til að tryggja dýpi Landeyjahafnar yfir erfiðustu vetrarmánuðina

Þá ítrekar bæjarráð mikilvægi reglulegra og öruggra siglinga til Landeyjahafnar fyrir samfélagið í Vestmannaeyjum. Dýpkun þarf að ganga hratt og vel fyrir sig og er Vegagerðin meðvituð um mikilvægi þess. Það dýpkunarskip sem er tiltækt er illa búið til dýpkunar við erfiðar vetraraðstæður og nauðsynlegt að Vegagerðin skoði aðrar leiðir til að tryggja dýpi yfir erfiðustu vetrarmánuðina þegar dýpkun er boðin út, segir í bókun bæjarráðs.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.