Bólusett á morgun eftir nýju fyrirkomulagi

- fólk skráir sig og verður gefinn upp tími til að mæta

18.Janúar'22 | 07:15

Á morgun, miðvikudaginn 19. janúar 2022 verður bólusett með Pfizer á heilsugæslustöðinni í Vestmannaeyjum. Skráning er í síma 432-2500. Ljósmynd/Stjórnarráðið.

Heilsugæslan í Vestmannaeyjum reynir nú nýtt fyrirkomulag varðandi bólusetningar þar sem mæting þeirra sem hafa verið boðaðir í hópbólusetningar hafa verið stopular og eru ýmsar ástæður fyrir því.

Á morgun, miðvikudaginn 19. janúar 2022 verður bólusett með Pfizer á heilsugæslustöðinni í Vestmannaeyjum. Skráning er í síma 432-2500.

Þetta fyrirkomulag er ætlað fyrir:

Börn 12 ára og eldri sem ekki eru fullbólusett - athugið að börn 12 – 15 ára fá ekki örvunarskammt . Börn verða að mæta með foreldra/forráðamanni
Þá sem ekki eru fullbólusettir, hafa fengið enga eða 1 bólusetningu
Alla 16 ára og eldri sem óska eftir örvunarbólusetningu, en 5 mánuðir verða að hafa liðið frá síðustu bólusetningu • Alla sem voru bólusettir með Janssen og eiga eftir að fá pfizer sem örvunarskammt .
Þá sem fengið hafa covid og kjósa að fá örvunarskammt með pfizer. Athugið að 3 mánuðir verða að hafa liðið frá veikindum að örvunarskammti.

ATHUGIÐ!

Ekki verða send út strikamerki.
Að minnsta kosti ½ mánuður verður að líða á milli covid bólusetningar og annara bólusetninga.
Hér mæta ekki börn yngri en 12 ára, þau þurfa barna-Pfizer skammt sem er veikari en það sem er í boði 19. janúar.

Pfizer Wednesday Jan. 19. 2022 in Health Care in Vestmannaeyjar. Registration in tel: 432-2500. Bólusetning í Vestmannaeyjum - Vaccination