Fréttatilkynning:

Eyjatónleikum frestað – syngjum inn sumarið!

13.Janúar'22 | 11:08
eyjar_2022_Tix_800x600

Ný dagsetning á tónleikunum er 21. apríl, sem er sumardagurinn fyrsti. Mynd/aðsend

Í ljósi stöðunnar í samfélaginu og nýrra sóttvarnaráðstafana, höfum við ákveðið að fresta Eyjatónleikunum sem áttu að vera 22. janúar næstkomandi.  

Ný dagsetning er 21. apríl, sem er sumardagurinn fyrsti. Við munum því fagna komandi sumri saman eins og okkur einum er lagið.  Vegna þessa hefur Jóhanna Guðrún dregið sig út úr hópnum af persónulegum ástæðum og í hennar stað kemur engin önnur en Stefanía Svavarsdóttir, sem slegið hefur tvisvar í gegn á Eyjatónleikunum í Hörpu. Bjóðum við Stefaníu velkomna í hópinn. Allir þeir sem eiga miða á tónleikana þann 22.janúar þurfa ekki að hafa neinar áhyggjur. Þeir geta haldið sínum miðum og sínum sætum, en ef viðkomandi eiga ekki möguleika á að nýta miðana þann 21.apríl, er um að gera að hafa samband við miðasölu Hörpu og verða þeir þá að sjálfsögðu endurgreiddir.

Hlökkum til að sjá ykkur sem allra flest, þegar við fögnum sumri saman í Eldborgarsal Hörpu fimmtudaginn 21.apríl næstkomandi, segir í tilkynningu frá Stóra sviðinu.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.