Ábending frá Herjólfi til farþega sem koma erlendis frá

8.Janúar'22 | 15:19

Herjólfur hefur tök á að ferja farþega sem eru í sóttkví/smitgát sama hvert siglt er. Ljósmynd/TMS

Í ljósi þess ástands sem nú ríkir vegna Covid-19 langar okkur hjá Herjólfi ohf að árétta eftirfarandi varðandi farþega sem eru að koma erlendis frá og hafa ekki fengið niðurstöðu úr sýnatöku og/eða eru í sóttkví/smitgát og ætla sér að ferðast með ferjunni.

Herjólfur hefur tök á að ferja farþega sem eru í sóttkví/smitgát sama hvert siglt er. Ef það er siglt til Þorlákshafnar miðast sá flutningur hinsvegar við bókunarstöðu í klefa ferjunnar. Nauðsynlegt er að hringja í afgreiðslu okkar í síma 4812800 svo hægt sé að gera ráðstafanir.

Það er einlægur vilji okkar að farþegar komist sinnar leiðar en á sama tíma þarf einnig að gæta að öryggi og velferð áhafnar, starfsfólks og farþega, segir í tilkynningu frá starfsfólki Herjólfs ohf.