Segja ástandið á veitingamarkaði gríðarlega alvarlegt

21.Desember'21 | 18:24
Tanginn_inni

Í yfirlýsingunni segir m.a. að ljóst sé að tekjutap verði enn meira en búist var við. Fyrir yfirvofandi takmarkanir var spáð 40 milljarða tekjutapi. Ljósmynd/aðsend

Samtök fyrirtækja á veitingamarkaði (SVEIT) lýsa yfir gríðarlegum vonbrigðum eftir að tilkynnt var, eftir ríkisstjórnarfund í dag, að enn hertari aðgerðir taki gildi 23.desember og enn og aftur án þess að tilkynnt sé um nokkur úrræði fyrir greinina samhliða skerðingu á starfsemi. 

Krefjast samtökin þess að viðurkennt verði mikilvægi greinarinnar með því að takast á við þann alvarlega vanda sem blasir við með beinum, hnitmiðuðum og sértækum úrræðum í þeim tilgangi að bæta það tjón sem hertar sóttvarnaraðgerðir hafa haft á rekstrarumhverfi, samkeppnishæfni og aðdráttarafl veitingageirans. Þetta kemur fram í yfirlýsingu frá samtökunum.

Enn fremur segir að undanfarin ár hafi verið lagðar þungar hömlur á starfsemi greinarinnar sem hafa lýst sér í miklu brottfalli og óvissu. 

Vonbrigði SVEIT vegna ákvörðunar ríkisstjórnarinnar varðandi hertar aðgerðir þann 21.desember lúta fyrst og fremst að:

  • Vöntun úrræða. Að bein sértæk úrræði séu ekki kynnt á sama tíma og hertar aðgerðir skapar enn meiri óvissu og ófyrirsjáanleika fyrir þá 1.000 rekstraraðila og 10.000 starfsmenn sem starfa innan veitingageirans. 
  • Tekjutap. Ljóst er að tekjutap verður enn meira en búist var við. Fyrir yfirvofandi takmarkanir var spáð 40 milljarða tekjutapi en nú þegar jólunum hefur verið aflýst, annað árið í röð er ljóst að það verður enn hærra. Jól og áramót eru gríðarlega annasöm vertíð fyrir veitingageirann og á þessum 4-6 vikum hefur mikill meirihluti fyrirtækja safnað sér tekjum til að takast á við fyrsta ársfjórðung næsta árs sem er sá rólegasti í veitingrekstri.
  • Viðbragðstíminn er enginn, við það eykst skuldasöfnun enn frekar og hratt. Ljóst er að í kjölfar aðgerða geta rekstraraðilar ekki brugðist nógu hratt við til að geta minnkað kostnað sem leiðir til taps. Óboðlegt er að rekstraraðilar taki það þunga högg sem afleiðing sóttvarnaraðgerða hefur með beinum hætti á starfsemi, starfsumhverfi og ekki síst starfsöryggi greinarinnar.   

Ástandið á veitingamarkaði er gríðarlega alvarlegt, þar sem sóttvarnaraðgerðir hafa frá degi eitt, haft bein áhrif á starfsemi þar sem rauði þráður þeirra er að takmarka að fólk komi saman þar sem vínveitingar eru seldar. 

Nú þegar við siglum inn í þriðja ártal Covid-19 er varla hægt að tala um fordæmalausa tíma. Er það ósk SVEIT að viðeigandi aðgerðaáætlun verði hönnuð með það fyrir augum að rekstraraðilar öðlist öryggi og stöðuleika þegar gripið er til sóttvarnaraðgerða. Þar sem viðeigandi úrræði verða í boði strax og gripið er til aðgerða.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.