Fótboltaskóli ÍBV á milli jóla og nýárs

Fótboltaskólinn verður haldinn 27., 28. og 29. desember

16.Desember'21 | 10:54

Ljósmynd/ÍBV

ÍBV ætlar að bjóða upp á fótboltaskóla á milli jóla og nýárs. Það eru þjálfarar yngri flokka og leikmenn meistaraflokka sem sjá um skólann. Æfingar fara allar fram í Herjólfshöllinni og lýkur síðustu æfingu hvors hóps á pizzaveislu í Týsheimilinu.

Hermann Hreiðarsson, þjálfari meistaraflokks karla og fyrrum fyrirliði íslenska landsliðsins verður gestaþjálfari í fótboltaskólanum.

Fyrri hópur: 6. og 7. flokkur karla og kvenna - frá klukkan 10:00 - 12:00 alla dagana
Seinni hópur: 4. og 5. flokkur karla og kvenna - frá klukkan 12:30 - 14:30 alla dagana

Verð í skólann í ár er 1.000 kr. og fer skráning fram á knattspyrna@ibv.is. Í skráningu verður að taka fram nafn og kennitölu iðkanda. Jólasveinar elska að gefa gjafabréf í fótboltaskólann í skóinn og er þeim bent á að panta svoleiðis í gegnum knattspyrna@ibv.is, segir í tilkynningu frá ÍBV.