Gervigras á Hásteinsvöll: Forsvarsfólk fótboltans ekki haft með í ráðum

- segir formaður knattspyrnudeildar ÍBV

14.Desember'21 | 12:15
hasteinsvollur_2021

Hásteinsvöllur iðagrænn í sumar. Ljósmynd/TMS

Freyr Alexandersson, þjálfari danska knattspyrnuliðsins Lyngby ritaði færslu á samfélagsmiðlinum Twitter varðandi fréttir af því að gervigras verði lagt á keppnisvelli á Íslandi, þar á meðal á Hásteinsvöll.

,,Sá að Grindavík og IBV eru að fara setja gervigras á keppnisvellina sína. Vona að þetta séu vel upplýstar ákvarðanir sem eru teknar með þeim sem hafa þekkingu á leiknum. Ekki af bæjarráði eða öðru slíku. Sorgleg þróun. Minni á þriðja kostinn. Hybrid grass," skrifar Freyr í færslu á Twitter.

Daníel Geir Moritz, formaður knattspyrnudeildar ÍBV segir undir færslu Freys á Twitter að forsvarsfólk knattspyrnuhreyfingarinnar í Vestmannaeyjum hafi aldrei verið haft með í ráðum eða á það hlustað. 

„Ég gæti skrifað þykka bók um þetta en við skulum bara segja að forsvarsfólk fótboltans var aldrei haft með í ráðum eða á okkur hlustað. Við vildum þetta ekki,“ skrifar Daníel.

Sjá einnig: Hálfur milljarður fyrirhugaður í uppbyggingu íþróttamannvirkja

Að beiðni bæjarstjórnar Vestmannaeyja hefur starfshópur unnið undirbúningsvinnu til að meta framtíðarþörf á uppbyggingu íþróttamannvirkja í Eyjum undanfarin ár og er horft til framkvæmda á næstu tíu árum.

Í skýrslunni lýstu bæði ÍBV og KFS því yfir að óskastaða væri að stækka knattspyrnuhúsið sem er fyrir svo að það yrði að velli í fullri stærð ásamt því að lýsa yfir áhuga að fá gervigras á velli sína.

Þá óskaði ÍBV eftir því að fá flóðlýsingu á heimavöll félagsins, Hásteinsvöll, en með lengingu Íslandsmótsins í knattspyrnu er aukin þörf fyrir slíkan búnað. Var samþykkt af bæjaryfirvöldum að ráðast í það verkefni strax á næsta ári. Í kjölfarið átti að fara í að setja gervigras á völlinn.

Haraldur Pálsson, framkvæmdarstjóri ÍBV-íþróttafélags sagði á dögunum í samtali við Fréttablaðið að nýtingarhlutfall Hásteinsvallar hefði verið skoðað undanfarin í samanburði við önnur félög. ,, Að lokum kusu félagsmenn um forgangsröðunina og það varð ofan á byrjað yrði á því að leggja gervigras og koma á flóðlýsingu á Hásteinsvöll,“ sagði Haraldur.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...