Bergey til veiða eftir kórónuveirustopp

Alls smituðust sex menn úr áhöfn skipsins og þeir síðustu úr þeim hópi munu væntanlega ekki geta hafið störf á ný fyrr en á sunnudag. Bergey sigldi strax austur fyrir land og mun væntanlega landa í Neskaupstað á fimmtudag að sögn Arnars Richardssonar, rekstrarstjóra Bergs-Hugins.

Arnar segir í samtali við vef Síldarvinnslunnar að menn séu afar ánægðir með að þessu stoppi skuli vera lokið. „Nú vona menn bara að það fiskist vel og þá verður allt í himnalagi á ný.“