Fulltrúar bæjarráðs í byggingarnefnd Hamarsskóla

Fram kemur í fundargerð að búið sé að vinna að þarfagreininingu og er unnið að undirbúningi forhönnunar. Hallur Kristvinsson arkitekt hefur sent drög að húsrýmisáætlun sem verið er að vinna. Að lokinni forhönnun er hægt að hefja verkfræðihönnun og í framhaldinu vinnu við útboðsgögn.

Fulltrúar bæjarráðs munu sitja í byggingarnefnd og þeir fagaðilar kallaðir til eftir þörfum. Fram kemur í niðurstöðu að bæjarráð þakki upplýsingarnar og samþykkir að virkja byggingarnefndina.