Loðnuveiðar fara hægt af stað

2.Desember'21 | 12:36
20210307131152_IMG_0520(1)

Heimaey VE er eitt þeirra skipa sem nú leitar loðnu norður af landinu. Ljósmynd/Hólmgeir Austfjörð.

Loðnuveiðar með flotvörpu hófust norður af landinu síðdegis í gær. Veiðarnar skiluðu litlum árangri í gær og nótt og kom það mönnum á óvart. 

Skipin voru í ágætis lóði en líkur eru á að verulegur hluti þess sé áta. Þegar trollin eru tekin eru þau kafloðin af átu. Loðnan virðist vera dreifð og þess vegna skila holin litlu, segir í frétt á vef Síldarvinnslunnar.

Í morgun var Börkur NK búinn að hífa tvisvar og fá 60-70 tonn í hvoru holi eftir að hafa togað í 7-8 tíma. Bjarni Ólafsson AK var búinn að hífa einu sinni og fékk 90 tonn. Önnur skip voru að fá á bilinu 60-120 tonn, allt eftir því hve lengi var dregið. Að sögn skipstjórnarmanna virðist ekki vera neitt göngumynstur á þessari loðnu. Hún er búin að vera þarna nokkuð kyrr um skeið en hefur þó sigið örlítið í austur. Bátarnir hafa ekki orðið varir við alvöru loðnugöngu ennþá.

Sjá einnig: Svandís heimilar flottroll fyrir norðan

Loðnan sem veiðst hefur virðist vera nokkuð misjöfn að stærð. Í fyrra holi Barkar voru 39 stykki í kílói en í holinu hjá Bjarna Ólafssyni voru 47 stykki í kílóinu.

Skipstjórnarmennirnir, sem heimasíðan ræddi við í morgun, voru bjartsýnir á loðnuvertíðina þrátt fyrir þessa rólegu byrjun. Bent var á að loðnan hefði oft verið heldur erfið viðureignar á þessum árstíma en síðan hafi ræst úr. Einnig var bent á að enn hefðu engar veiðar farið fram í dagsbirtu og mögulegt væri að þær verði árangursríkari, segir í fréttinni.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...