Meistaradeildin:

Þurfti að stoppa leikinn til að færa bílinn sinn

29.Nóvember'21 | 12:16

Dómari leiksins þurfti að gera hlé á leiknum í fyrri hálfleik til að færa bílinn sinn. Mynd/úr safni

Það gerast alls konar skemmtilegir hlutir í ensku utandeildunum. Á því var engin undantekning um helgina þegar Chester og Curzon Ashton áttust við í FA Trophy, sem er bikarkeppni fyrir lið í ensku utandeildunum.

Skondið atvik átti sér stað í leiknum þegar dómari leiksins þurfti að gera hlé á leiknum í fyrri hálfleik til að færa bílinn sinn.

Hann hafði lagt honum eitthvað vitlaust og átti því að draga bílinn. Tilkynnt var um það í hátalarakerfi vallarins að eigandi bílsins þyrfti að færa hann og kom þá í ljós að eigandinn var sjálfur dómarinn.

Hann stoppaði því leikinn og færði bílinn. Leikurinn hófst á endanum aftur og fór Chester með sigur af hólmi, 1-0.

Frétt af fotbolti.net.