Bjóða upp á góða þjónustu á sanngjörnu verði fyrir barnafjölskyldur

25.Nóvember'21 | 13:10
börn_skolalod_21

Ljósmynd/TMS

Gjaldskrá leikskóla og frístundavers var til umræðu á síðasta fundi fræðsluráðs þann 22. nóvember í kjölfar þess að bæjarstjórn samþykkti að engar hækkanir á gjöldunum kæmu til á komandi ári. 

Á vef Vestmannaeyjabæjar er farið yfir samanburð við önnur sveitarfélög hvað þessar gjaldskrár varðar. Þar segir að þetta sé þriðja árið í röð sem engar hækkanir séu á gjöldunum enda mikilvægur liður í stuðningi við barnafjölskyldur.

Í 7. sæti þegar kemur að lægstu leikskólagjöldunum

Í dag greiða foreldrar kr. 36.817 fyrir 8 tíma vistun og fæði á leikskóla. Samkvæmt úttekt verðlagseftirlits ASÍ á leikskólagjöldum frá því í janúar 2021 er Vestmannaeyjabær í 7. sæti af 15 sveitarfélögum þegar kemur að lægstu leikskólagjöldunum.

Veittur er 50% systkinaafsláttur af vistunargjaldi fyrir annað barn og 100% fyrir þriðja barn. Foreldrar með tvö börn á leikskóla greiða kr. 60.968 á mánuði fyrir 8 tíma vistun og fæði en það eru 6. lægstu gjöldin skv. fyrrgreindri úttekt verðlagseftirlits ASÍ. Fyrir þrjú börn greiða þeir kr. 71.643 sem eru 7. lægstu gjöldin skv. sömu úttekt.

Þá er Vestmannaeyjabær einnig með 6. lægstu gjöldin fyrir 8 tíma og fæði hjá forgangshópum eða kr. 26.468 kr. á mánuði. Veittur er 40% afsláttur af vistunargjöldunum en ekki 30% eins og fram kemur í umræddri úttekt ASÍ og upphæðin þar því ekki rétt.

Frístund með hressingu ódýrust í Vestmannaeyjum

Samkvæmt úttekt verðlagseftirlits ASÍ á skóladagvistun og skólamat 15 sveitarfélaga frá janúar 2021 eru gjöld fyrir frístund með hressingu ódýrust í Vestmannaeyjum. Mánaðargjald m.v. 63 stundir á mánuði og hressingu í 21 dag er kr. 15.938 Öll sveitarfélögin veita systkinaafslátt. Flest þeirra veita 50% afslátt fyrir annað barn, þ.m.t. Vestmannaeyjar. Einungis Reykjavík veitir 100% afslátt en önnur 25% eða 30% afslátt. Sjö sveitarfélög, þ.m.t. Vestmannaeyjar, veita 100% afslátt fyrir þriðja barn en önnur lægri. Fjögur sveitarfélög veita afslátt til forgangshópa. Vestmannaeyjabær veitir 40% afslátt ásamt Garðabæ. Akranes veitir 35% afslátt og Kópavogur 30%

Leikskóla- og frístundagjöld hafa ekki hækkað samkvæmt vísitölu undanfarin þrjú ár m.a. í þeim tilgangi að rétta af gjöld sem voru orðin með þeim hæstu á landinu. Nú erum við komin á þann stað að Vestmannaeyjabær er í hópi þeirra sveitarfélaga sem býður upp á góða þjónustu á sanngjörnu verði fyrir barnafjölskyldur, segir í fréttinni.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.