Sér loks til lands í húsaleigumáli

Á fundinum fór Angantýr Einarsson, framkvæmdastjóri stjórnsýslu- og fjármálasviðs Vestmannaeyjabæjar yfir viðræður við fjármálastjóra Heilbrigðisstofnunar Suðurlands um húsaleigusamning milli stofnunarinnar og Vestmannaeyjabæjar vegna leigu á Hraunbúðum. Lagði hann fyrir ráðið drög að húsaleigusamningi, að því er segir í fundargerð frá fundi bæjarráðs.

Í afgreiðslu ráðsins segir að bæjarráð feli bæjarstjóra og framkvæmdastjóra stjórnsýslu- og fjármálasviðs að ljúka gerð húsaleigusamningsins á þeim forsendum sem drögin kveða á um.