Áfram siglt til Þorlákshafnar

Brottför er frá Vestmannaeyjum kl. 16:00 og frá Þorlákshöfn kl. 19:45.

Í tilkynningu frá Herjólfi ohf. segir að þeir farþegar sem áttu bókað á þessum tímasetningum hafa verið færðir sjálfkrafa á milli hafna, aðrir þurfa að hafa samband við skrifstofu okkar til þess að færa bókun sína.

Þeir farþegar sem ætla sér að nýta gistirými ferjunnar eru minntir á að þeir þurfa að koma með sinn eigin búnað. Á þessum árstíma er alltaf hætta á færslu milli hafna og því er ekki æskilegt að skilja bifreið eftir í annarri hvorri höfninni, Landeyjahöfn eða Þorlákshöfn.

Hvað varðar siglingar fyrir morgundaginn, þá verður gefin út tilkynning kl. 06:00 í fyrramálið, segir í tilkynningunni.