Ísfélagið með yfir 10% aflahlutdeild

Samkvæmt útreikningum Fiskistofu fer eitt félag yfir 12% leyfilegt heildarverðmæti aflahlutdeildar allra tegunda, Brim hf. 13,2%. Í krókaaflamarkskerfinu fara tvö félög yfir 4% leyfilega aflahlutdeild í þorski, Háaöxl ehf. 4,22% og Stakkavík ehf. 4,01%.

Líkt og undanfarin ár þá er Brim hf. hæst í aflamarkskerfinu en einhver breyting hefur orðið á næstu sætum sem skýrist af því að úthlutun í loðnu var búin þegar útreikningarnir fóru fram, segir í umfjöllun á vef Fiskistofu. 

Ísfélag Vestmannaeyja er nú í öðru sæti listans með 10,05%, en var árið áður í áttunda sætinu. Vinnslustöðin er í því fimmta með 6,98%.

Tíu kvótahæstu sjáv­ar­út­vegs­fyr­ir­tæki landsins:

1. Brim hf. 13,20 %
2. Ísfé­lag Vest­manna­eyja hf. 10,05 %
3. Síld­ar­vinnslan hf. 9,41 %
4. Sam­herji Ísland ehf. 8,09 %
5. Vinnslu­stöðin hf. 6,98 %
6. Skinn­ey-­Þinga­nes hf. 5,93 %
7. Eskja hf. 4,96 %
8. FISK-­Seafood ehf. 3,40 %
9. Þor­björn hf. 2,86 %
10. Rammi hf. 2,57 %