Gul viðvörun: Austan stormur

16.Október'21 | 16:15
gul_vidv_161021

Skjáskot/vedur.is.

Veðurstofa Íslands hefur gefið út gula viðvörun fyrir Suðurland, Suðausturland, Höfuðborgarsvæðið og Vestfirði.

Í viðvörunarorðum fyrir Suðurland segir að spáð sé austan stormi 20 - 25 m/s. Búast má við mjög snörpum vindhviðum við fjöll, staðbundi yfir 35 m/s, einkum undir Eyjafjöllum. Varasamt fyrir ökutæki sem taka á sig mikinn vind. Einnig má búast við snjókomu til fjalla með lélegu skyggni og versnandi akstursskilyrðum. Afmarkaðar samgöngutruflanir líklegar og lokanir á vegum. Fólk er hvatt til að sýna aðgát og ganga frá lausum munum til að forðast tjón.

Tekur viðvörunin fyrir Suðurland gildi á morgun, 17. okt. kl. 15:00 og gildir hún til miðnættis sama dag.

Stefnt á siglingar til Landeyjahafnar fyrri part dags á morgun

Herjólfur ohf. gaf út tilkynningu eftir hádegi í dag þar sem farþegum er góðfúslega bent á að veður eigi að versna um hádegisbil á morgun, og eru farþegar hvattir til þess að ferðast fyrr en seinna hafi þeir tök á því og fylgjast vel með miðlum Herjólfs.

Stefnt er á siglingar til Landeyjahafnar fyrri part dags. Hvað varðar seinni partinn, þá verður gefin út tilkynning fyrir kl. 15:00 á morgun.
Ef gera þarf breytingu á áætlun, verður gefin út tilkynning um leið og það liggur fyrir.

Á þessum árstíma er alltaf hætta á færslu milli hafna og því ekki æskilegt að skilja eftir bifreiðir í annarri hvorri höfninni, Landeyjahöfn eða Þorlákshöfn, segir í tilkynningunni.

Nánar um veðrið.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...