Góður gangur á síldarvertíð hjá Vinnslustöðinni

14.Október'21 | 13:28
kap_vsv_a_sild_vsv_is

Kap VE á síldarmiðunum. Ljósmynd/vsv.is

Sindri Viðarsson, sviðsstjóri uppsjávarsviðs Vinnslustöðvarinnar, lætur afar vel af gangi mála í veiðum og vinnslu síldar á vertíð sem er nú í fullum gangi.

Haft er eftir Sindra á vefsíðu Vinnslustöðvarinnar að útgerðarstjórnunin snúist aðallega um að skipuleggja sjósókn þannig að hráefnið komi til vinnslu eins ferskt og kostur er.

„Þess vegna þurfa skipin oft að bíða í höfn eftir að komast á veiðar á ný til að ekki myndist bið eftir löndun. Við eigum eftir um 4.000 tonn af norsk-íslensku síldinni og klárum kvótann núna í október. Þá taka við veiðar úr stofni Íslandssíldar og standa yfir langt fram eftir nóvember ef að líkum lætur.“ segir Sindri.

Vinnslustöðin hefur heimild til að veiða um 12.000 tonn af síldinni með tvöfalda ríkisfangið, það er að segja þeirri norsk-íslensku, og svo 8.000-9.000 tonn af Íslandssíld.

Íslandssíldin er að jafnaði ögn smágerðari en sú norsk-íslenska

„Munurinn á þessum síldarstofnum er sá helstur að Íslandssíldin er að jafnaði ögn smágerðari en sú norsk-íslenska og hefur veiðst fyrir vestan. Norsk-íslensk síld veiðist fyrir austan land. Íslandssíld er MSC-vottuð og uppfyllir því kröfur um styrkleika stofnsins og vistvæntar, ábyrgar og sjálfbærar veiðar. Það er kostur og hjálpar til við markaðssetningu og sölu. Norsk-íslensk síld er hins vegar ekki lengur MSC-vottuð.“ segir Sindri Viðarsson.

Dansinn dunar í síldinni nú um stundir og þar á eftir verður boðið upp í loðnudans svo um munar, stærstu vertíðina í 20 ár ef svo fer sem vonir og væntingar standa til.

Kristján Þór Júlíusson sjávarútvegs- og landbúnaðarráðherra kynnti á ríkisstjórnarfundi í gær að hann hefði undirritað reglugerð um loðnuveiðarnar. Það telst enginn smáræðisviðburður á lokakafla ferils hans í ráðherraembætti!

 

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).