Fyrsta haustlægðin á leiðinni

11.September'21 | 09:59
gul_vidv_110921

Gul viðvörun er í gildi á morgun og fram á mánudag á öllu sunnanverðu landinu. Skjáskot/vedur.is

Veðurstofan hefur gefið út gula veðurviðvörun fyrir stóran hluta landsins. Viðvörunin gildir fyrir Höfuðborgarsvæðið, Suðurland, Faxaflóa, Breiðafjörð, Suðausturland og Miðhálendið. 

Í texta með viðvörunni fyrir Suðurland segir að það verði talsverð eða mikil rigning (Gult ástand). Er viðvörunin í gildi frá sunnudeginum 12 sep. kl. 18:00 – mánudagsins 13 sep. kl. 10:00.

Talsverð eða mikil rigning. Búast má við vatnavöxtum í ám og lækjum. Auknar líkur á skriðuföllum og grjóthruni. Talsverð vosbúð til fjalla og slæmt útivistarveður.

Vaxandi ölduhæð í kortunum

Spáð er hækkandi ölduhæð við Landeyjahöfn, en miðað við spánna þá gætu orðið frátafir fyrir siglingar Herjólfs í höfnina á mánudag og þriðjudag. Samkvæmt spánni á ölduhæðin að ná hámarki aðfaranótt þriðjudags. Hægt er að smella á kortið hér að neðan til að fara inn á nýjustu spá Vegagerðarinnar.

Skjáskot/Vegagerðin

Í nýrri veðurspá Veðurstofu Íslands fyrir Suðurland segir að gert sé ráð fyrir vestlægri eða breytilegri átt 3-8 m/s og skúrum. Vaxandi suðaustan átt á morgun og rigning, 15-23 m/s og talsverð úrkoma annað kvöld. Hiti 7 til 12 stig yfir daginn.

Veðurhorfur á landinu næstu daga

Á mánudag:
Sunnan og suðaustan 13-20 m/s. Úrkomulítið NA-til, annars rigning og talsverð úrkoma um landið SA-vert. Hiti 10 til 17 stig, hlýjast á NA-landi.

Á þriðjudag:
Sunnan 8-15 og rigning eða skúrir á Suður- og Vesturlandi, annars bjart með köflum. Hiti 8 til 15 stig, hlýjast NA-til.

Á miðvikudag:
Suðvestan 5-10 og dálitlar skúrir, en þurrt og bjart fyrir norðan og austan. Hiti breytist lítið.

Á fimmtudag:
Austanátt og skýjað með köflum. Þykknar upp síðdegis og fer að rigna sunnan- og austanlands um kvöldið. Hiti 8 til 14 stig.

Á föstudag:
Útlit fyrir norðlæga átt og víða vætu, einkum fyrir norðan. Áfram milt veður.
Spá gerð: 11.09.2021 08:15. Gildir til: 18.09.2021 12:00.

Nánar um veðrið.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).