Góð makrílveiði í Smugunni þessa sólarhringana

25.Ágúst'21 | 18:55
ve_55

Verið er að landa úr Hugin VE í Eyjum. Ljósmynd/TMS

Huginn VE kom úr Smugunni með alls um 1.300 tonn af ferskum og frosnum makríl sem verið er að landa í Eyjum.

Kap VE er á miðunum og gert er ráð fyrir að skipið leggi af stað heimleiðis í kvöld eða á morgun með fullfermi, um 800 tonn, segir í frétt á vefsíðu Vinnslustöðvarinnar - vsv.is.

Þá segir að Ísleifur VE sé um það bil að koma í Smuguna og fer í það fyrst að aðstoða Kap við að fylla sig og koma sér heim.

„Veiðin hefur verið upp og ofan það sem af er en ef veiðist vel næstu daga og vikur og fram í miðjan september verður hiklaust hægt að tala um ágætis vertíð,“ segir Sindri Viðarsson, sviðsstjóri uppsjávarsviðs Vinnslustöðvarinnar.

„Makríll hefur varla fundist í veiðanlegum torfum í íslenskri lögsögu í sumar en Norðmenn eru hins vegar að veiðum núna í sinni lögsögu rétt austan við Smugulínuna.

Makríllinn er hvað viðkvæmastur um þetta leyti árs þegar hann er í ætisleit og fitnar hratt. Þegar líður á sumarið og fram á haust gengur fitan inn í holdið og það styrkist. Varan verður að sama skapi betri og verðmætari.“

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...