Tuttugu í einangrun í Eyjum

6.Ágúst'21 | 18:04
bærinn_cov

Síðustu daga hefur þeim sem greinast utan sóttkvíar fjölgað heldur og vill aðgerðastjórn því brýna alla íbúa í Eyjum sem og gesti til að fara varlega og passa vel upp á sóttvarnir. Ljósmynd/Samsett

Í dag, föstudaginn 6. ágúst, eru 20 einstaklingar í einangrun í Vestmannaeyjum vegna Covid-19 og 26 skráðir í sóttkví. Þetta kemur fram í tilkynningu frá aðgerðastjórn í Vestmannaeyjum.

Fjölgað gæti frekar í sóttkví þar sem rakning stendur yfir. Síðustu daga hefur þeim sem greinast utan sóttkvíar fjölgað heldur og vill aðgerðastjórn því brýna alla íbúa í Eyjum sem og gesti til að fara varlega og passa vel upp á sóttvarnir.  

Munum að virða eins metra regluna, spritta hendur og nota andlitsgrímu. Þetta á við um alla einstaklinga hvort sem þeir hafa fengið bólusetningu eða ekki. Forðumst óþarfa hópamyndanir og hjálpumst að við að lágmarka smithættu og vernda viðkvæma hópa.

Allir sem finna fyrir minnstu flensueinkennum eru hvattir til að fara rakleitt í skimun og halda sig til hlés þar til niðurstaða úr skimun liggur fyrir. Á HSU í Vestmannaeyjum, Sólhlíð 10, eru tekin sýni alla virka daga kl. 13:00-13:15. Best er að skrá sig í sýnatöku gegnum vefsíðu Heilsuveru.is, en einnig má hafa samband við heilsugæslu (432 2500). Mæting í skimun er við inngang á 1. hæð, aðkoma frá Helgafellsbraut. ATH. Raðir geta myndast utan dyra á álagspunktum í sýnatöku og er fólk hvatt til að klæða sig eftir veðri. Allir sem mæta í sýnatöku þurfa að nota andlitsgrímu, segir í tilkynningu aðgerðastjórnar.

 

Tags

COVID-19

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...