Mikil óvissa framundan hvað varðar farþegaflutninga

4.Ágúst'21 | 07:58

Miklar afbókanir áttu sér stað hjá Herjólfi um leið og ljóst var að nýjar sóttvarnarreglur tækju gildi. Ljósmynd/TMS

Herjólfur flutti 66.409 farþega í síðasta mánuði. Að sögn Harðar Orra Grettissonar, framkvæmdastjóra Herjólfs ohf. eru það töluvert færri farþegar en skipafélagið reiknaði með í sínum áætlunum.

Hann bendir á að þetta sé minnsti farþegafjöldi sem ferðast hefur með Herjólfi í júlí fyrir utan Covid-árið 2020.

„Miklar afbókanir áttu sér stað um leið og ljóst var að nýjar sóttvarnarreglur tækju gildi. Mestu munar um afbókanir um verslunarmannahelgina en einnig hefur hægst á fyrirframbókunum inn í haustið og ljóst að mikil óvissa er framundan hvað varðar farþegaflutninga.” segir Hörður Orri í samtali við Eyjar.net.

Þassu tengt: Vel ásættanlegir flutningar það sem af er ári