Sex einstaklingar í einangrun í Eyjum

26.Júlí'21 | 13:57
bærinn_cov

Ljósmynd/samsett

Sem stendur eru 6 einstaklingar í einangrun í Vestmannaeyjum vegna Covid-19. Fimm þeirra voru í sóttkví við greiningu. Þá eru 28 einstaklingar í sóttkví hér í Eyjum.

Þetta kemur fram í tilkynningu frá aðgerðastjórn í Vestmannaeyjum. Eins og kunnugt er hefur Covid-19 smitum á landsvísu fjölgað verulega síðustu vikuna og útbreiðsla smita verið mikil. 
 
Í tilkynningunni segir enn fremur að afar mikilvægt sé að einstaklingar sem eru í sóttkví fylgi reglum þar að lútandi í einu og öllu. Nálgast má reglurnar hér https://www.covid.is/flokkar/sottkvi.
 
Rauði kross Vestmannaeyja minnir á þjónustu Krónunnar og Apótekarans um heimsendingu á mat og lyfjum, hafið samband við vestmannaeyjar@kronan.is fyrir matvæli. Sími Apótekarans er 481 3900. Minnum á Hjálparsíma og netspjall RKÍ í 1717, Hjálparsíminn er alltaf opin.
 
Þá eru allir sem finna fyrir minnstu flensueinkennum hvattir til að fara rakleitt í skimun og halda sig til hlés þar til niðurstaða úr skimun liggur fyrir. Á HSU í Vestmannaeyjum, Sólhlíð 10, eru tekin sýni alla virka daga kl. 13:00-13:15. Best er að skrá sig í sýnatöku gegnum vefsíðu Heilsuveru.is, en einnig má hafa samband við heilsugæslu (432 2500). Mæting í skimun er við inngang á 1. hæð, aðkoma frá Helgafellsbraut.
 
Í undantekningartilfellum eru tekin sýni um helgar og frídaga, en það er metið í hverju tilviki fyrir sig. Í þeim tilfellum skal hafa samband við læknavaktina, 1700, sem vísar áfram á vaktlækni ef ástæða þykir til.
 
Aðgerðastjórn vill brýna alla íbúa í Vestmannaeyjum sem og alla gestkomandi að gæta sérlega vel að einstaklingsbundnum smitvörnum og almennum sóttvörnum, virða eins metra regluna, spritta hendur og nota andlitsgrímu. Þetta á við um alla einstaklinga hvort sem þeir hafa fengið bólusetningu eða ekki.

Tags

COVID-19

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...