Dapur, svekktur og pirraður bæjarstjóri

Ákvörðunin gerir það að verkum að ekki verður unnt að halda Þjóðhátíð um Verslunarmannahelgina. Íris segir að ákvörðun dagsins sé gríðarleg vonbrigði. Verðlaunin og vonin um “eðlilegra líf”, sem átti að koma með þessum miklu bólusetningum, eru horfin; í bili að minnsta kosti.

Sjá einnig: Samkomutakmarkanir og stytt­ur opn­un­ar­tím­i - skoða að halda Þjóðhátíð síðar í sumar

„Við Íslendingar höfum lagt mikið á okkur og fylgt vel þeim tilmælum og takmörkunum sem gripið hefur verið til en það virðist ekki duga. Það vantar sannfærandi rökstuðning fyrir ákvörðun stjórnvalda. Ef staðan er svona grafalvarleg, eins og fullyrt er, af hverju tók þetta þá ekki gildi á miðnætti í kvöld? Af hverju er hátíðum og djammi helgarinnar leyft að flæða fram á miðnætti annaðkvöld og hvernig ætla stjórnvöld að stöðva það nákvæmlega þá?

En við leggjum ekki árar í bát! Þessi ákvörðun stjórnvalda gildi til 13. ágúst. Er ekki borðleggjandi að fresta Þjóðhátíð en slá hana ekki af?” segir í pistli bæjarstjórans. 

Þessu tengt: Covid greinist á ný í Eyjum