Stuttur túr hjá Eyjunum

6.Júlí'21 | 13:26
bergey_0521

Bergey VE á leið til löndunar í Eyjum. Ljósmynd/TMS

Ísfisktogararnir Vestmannaey VE og Bergey VE komu til löndunar í Eyjum í nótt. Bæði skip voru með fullfermi eftir stuttan túr og var aflinn blandaður.

Ragnar Waage Pálmason var skipstjóri á Bergey í veiðiferðinni og segir hann að það hafi aflast mjög vel. „Við vorum allan tímann á Péturseynni og þetta gekk vel. Þarna liggur fiskurinn í síld og síldarhrognum og það er býsna líflegt. Við fórum út eftir hádegi á sunnudag og komum til hafnar klukkan fjögur í nótt. Það var nóg að gera hjá köllunum í túrnum enda aflinn jafn og góður allan tímann,“ segir Ragnar í samtali við fréttavef Síldarvinnslunnar.

Birgir Þór Sverrisson, skipstjóri á Vestmannaey, segir að þetta hafi verið flottur túr. „Túrinn var bara 36 klukkutímar, það gekk svo vel að fá í skipið á Péturseynni. Þetta var eins og best verður á kosið og það er svo þægilegt að hafa fiskinn svona við bæjardyrnar. Þá var veðrið einnig afar gott, logn og blíða allan túrinn,“ segir Birgir Þór.

Vestmannaey hélt á ný til veiða núna fyrir hádegi og Bergey mun sigla í kjölfar hennar strax að löndun lokinni.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).