Leggja til níu daga lundaveiði

29.Júní'21 | 10:35
lundave

Lundaveiði hefur verið lítil undanfarin ár. Ljósmynd/TMS

Umhverfis- og skipulagsráð Vestmannaeyja leggur til að lundaveiði verði heimiluð í 9 daga í Vestmannaeyjum í ár. Undanfarin ár hefur lundaveiðitímabilið verið 8 dagar.

Fyrir fundinum lágu álit bæði Bjargveiðifélags Vestmannaeyja og Náttúrustofu Suðurlands.

Samkvæmt lögum er veiðitímabil lunda að öllu jöfnu 46 dagar

Í afgreiðslu ráðsins segir að umhverfis- og skipulagsráð Vestmannaeyja leggi til að heimila lundaveiði í Vestmannaeyjum með sama hætti og 2020, veiði verður heimil dagana 7. - 15. ágúst 2021.

Ráðið telur afar mikilvægt að stýring veiða á lunda í Vestmannaeyjum taki á öllum stundum fyrst og fremst mið af viðkomu stofnsins. Samkvæmt lögum er veiðitímabil lunda að öllu jöfnu frá 1. júlí til 15. ágúst eða 46 dagar.

Lundaveiðimenn hafa sýnt ábyrgð í veiðum

Reynsla síðastliðinna ára hefur sýnt að þeir fáu dagar sem lundaveiði er heimiluð eru nýttir til þess að viðhalda þeirri merkilegu menningu sem fylgir veiðinni og úteyjarlífi almennt. Þá er tíminn nýttur til að viðhalda húsnæði úteyjanna og huga að öðru sem fylgir úteyjunum.

Lundaveiðimenn hafa sýnt ábyrgð í veiðum sl. ár og veiðifélögin eru áfram hvött til að standa vörð um sitt nytjasvæði og upplýsi sína félagsmenn um að ganga fram af hófsemi við veiðarnar, segir í afgreiðslu umhverfis- og skipulagsráðs.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.