Segja upp þjónustusamningi vegna gatnalýsingar

24.Júní'21 | 07:05
yfir_bæ_kvold

Í minnisblaðinu er tillaga um að óskað verði eftir því við HS veitur, að yfirfærslan muni ekki eiga sér stað fyrr en um næstu áramót. Ljósmynd/TMS

Á fundi framkvæmda- og hafnarráðs á þriðjudag voru lögð fram drög að minnisblaði um uppsögn á þjónustusamningi vegna gatnalýsingar í Vestmannaeyjum. 

Þegar Hitaveita Suðurnesja og Bæjarveitur Vestmannaeyja sameinuðust árið 2002 var undirritað samkomulag þess efnis að gatnalýsing í Vestmannaeyjum yrði áfram í eigu sveitarfélagsins, en þjónusta á hendi Hitaveitu Suðurnesja (HS veitur). HS veitur annast almennt viðhald, utanumhald og móttöku tilkynninga, en viðbætur og endurnýjun er á hendi eiganda. Fara þarf yfir hvaða kostir eru hagstæðastir í stöðunni.

Önnur sveitarfélög og Vegagerðin hafa farið í útboð á vinnu við viðhald og lagerhald, en umsýsla færst til sveitarfélaganna. Í minnisblaðinu er tillaga um að óskað verði eftir því við HS veitur, að yfirfærslan muni ekki eiga sér stað fyrr en um næstu áramót. Jafnframt er tillaga um að í fjárhagsáætlun ársins 2022 verði gert ráð fyrir fjármagni til að hefja vinnu við að færa stýringar í stjórnkassa.

Í afgreiðslu ráðsins segir að ráðið feli framkvæmdastjóra að leggja fram tillögu að fyrirkomulagi viðhalds og eftirlits. Ráðið samþykkir að framkvæmdastjóri leggi fram tillögu um uppbyggingu gatnalýsingakerfis inn í vinnu við gerð fjárhagsáætlunar ársins 2022.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Hlaðvarpsþættirnir eru aðgengilegir hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á [email protected] og saman finnum við lausn sem hentar þér.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).