Forsætisráðherra fór víða í Eyjaheimsókn

23.Júní'21 | 07:25
katrin_jakobs

Katrín Jakobsdóttir, forsætisráðherra á Skansinum í gær.

Katrín Jakobsdóttir, forsætisráðherra, ásamt föruneyti úr forsætisráðuneytinu, heimsótti Vestmannaeyjar í gær. 

Fram kemur á vef Vestmannaeyjabæjar að forsætisráðherra hafi átti hádegisverðarfund með Írisi Róbertsdóttur, bæjarstjóra.

Auk þess heimsótti Katrín Þekkingarsetur Vestmannaeyja. Þar kynnti hún sér starfsemi setursins, sérstaklega hvalarannsóknarverkefni Dr. Filipa Samarra, starfsemi Náttúrustofu Suðurlands, starfsemi Sea Life Trust sem og starfsemi Visku, símenntunarstöðvar.

Jafnframt heimsótti forsætisráðherra Sjóvarmadælustöðina í Vestmannaeyjum og fékk þar leiðsögn frá Guðmundi Gíslasyni, sérfræðingi hjá HS-veitum.

Þá undirrituðu forsætisráðherra og Arndís Soffía Sigurðardóttir, sýslumaður í Vestmannaeyjum, styrkveitingu til verkefnis um kynjaða tölfræði þegar kemur að málarekstri í stjórnsýslu. Loks fékk ráðherra fræðslu um Herjólf frá skipstjóra og áhöfn ferjunnar á leið sinni frá Landeyjahöfn til Vestmannaeyja.

Þessu tengt: Forsætisráðuneytið styrkir verkefni um kynjaða tölfræði

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...