COVID-19: Hraðpróf í heilsugæslu

23.Júní'21 | 10:51
rannsokn-glos-stjr

Ljósmynd/Stjórnarráðið.

Heilsugæslan hefur tekið í notkun hraðpróf til greiningar á kórónuveirunni sem veldur Covid-19. 

Hraðprófin eru ekki notuð við einkennasýnatöku, heldur eru þau eingöngu ætluð þeim sem þurfa á þeim að halda, t.d. vegna ferðalaga, þar sem krafist er neikvæðrar niðurstöðu úr sýnatöku á landamærum og niðurstaða úr hraðprófi er tekin gild. Gjald fyrir sýnatöku með hraðprófi er 4.000 krónur, hvort sem hlutaðeigandi einstaklingur er sjúkratryggður hér á landi eða ekki, segir í tilkynningu frá heilbrigðisráðuneytinu.

Enn fremur segir að hér á landi hafi fram að þessu eingöngu verið notuð PCR-próf til að greina kórónuveiru í fólki og á landamærum Íslands eru aðeins teknar gildar niðurstöður úr PCR-prófum. Heilsugæslan býður einnig upp á töku PCR-prófa úr einkennalausum einstaklingum þurfi þeir á því að halda og er gjald fyrir sýnatökuna 7.000 krónur, jafnt fyrir sjúkratryggða sem ósjúkratryggða. Heilbrigðisráðherra hefur sett reglugerð sem kveður á um gjaldtökuna.

Niðurstaða úr hraðprófi liggur fyrir á um klukkustund

Mörg lönd taka gildar niðurstöður hraðprófa á landamærum. Því má gera ráð fyrir því að töluverð eftirspurn sé eftir hraðprófum hjá erlendum ferðamönnum og Íslendingum sem hyggja á ferðalög út fyrir landsteinanna. Niðurstaða úr hraðprófi liggur fyrir á um klukkustund en það getur tekið allt að sólarhring að fá niðurstöðu úr PCR-prófi.

Hraðpróf veita ekki jafnöruggar niðurstöður og PCR-próf og gildir sú regla hér á landi að ef einstaklingur greinist með kórónuveiruna í hraðprófi þarf hann jafnframt að undirgangast PCR-próf.

Tags

COVID-19

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).