Segir ekki ástæðu til að hafa áhyggjur af makrílstofninum

19.Júní'21 | 17:00
makríl

Ekkert hefur fundist af makríl suður af Eyjum, ekki enn sem komið er en venjulega byrji veiðin þar.

Sigurgeir Brynjar Kristgeirsson, framkvæmdastjóri Vinnslustöðvarinnar segir að kalt veður í vor og sumar valdi því að makríllinn finnst seinna á miðunum en undanfarin ár.

Þetta kemur fram í svari Sigurgeirs Brynjars til fréttastofu Ríkisútvarpsins í dag. Hann kveðst þó engar áhyggjur hafa af stöðunni. Frá sjómannadeginum í upphafi mánaðar hafa tveir leiðangrar haldið út á miðin í leit að makríl en árangur leitarinnar hefur látið á sér standa.

„Leitið og þér munuð finna,“

Haft er eftir honum að ekkert hafi fundist af makríl suður af Eyjum, ekki enn sem komið er en venjulega byrji veiðin þar. Hann segir sjávarhitann suður af Eyjum mun kaldari en undanfarin ár.

„Þessar tíu gráður, sem eru kjörhitastig fyrir Makrílinn, eru þær lengra suður af landinu en verið hefur. Síðasta sumar voru komnar tíu gráðu hiti suður af Eyjum rétt um 10. júní en það eru 400 mílur í þessar tíu gráður núna,“

Sigurgeir Brynjar segist hvorki hafa áhyggjur af ástandinu né makrílstofninum.

„Áhyggjur, nei í rauninni ekki. Auðvitað er þetta bara seinna á ferðinni og ég held það sé ekki ástæða til þess að hafa áhyggjur af makrílstofninum, hann er í þokkalegu standi. Við reiknum með því að makríllinn skili sér á ætistöðvarnar. Það er góð setning í biblíunni:„Leitið og þér munuð finna,“ 

Undanfarin ár hafa veiðar verið að hefjast á þessum tíma ársins og hefur einna helst verið veitt sunnan og austan við landið. Undirbúningsvinna fyrir næsta leitarleiðangur hefst á morgun að sögn Sigurgeirs og býst hann við því að Vinnslustöðin, Brim og Loðnuvinnslan ræði saman um framkvæmd leitarinnar. Fari svo að makríllinn finnist verður haldið beint til veiða.

Skortir grunnrannsóknir

„Já, ef við finnum makríl þá förum við í það að veiða. Það sem gerðist síðasta sumar er að makríllinn kom upp með suðurströndinni í byrjun júní og svo var veitt seinna um sumarið austur í Smugu. Menn þekkja ekki almennilega hvernig makríllinn gengur upp að landinu og hvernig hann gengur frá landinu og austur í Smuguna,“ sagði Sigurgeir Brynjar og bætti við að skortur sé á grunnrannsóknum til þess að átta sig betur á ferð makrílsins.

 

Ruv.is

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).