Hvatningarverðlaun fræðsluráðs afhent í annað sinn

18.Júní'21 | 14:58
hvatningarverdlaun_2021_vestm_is

Verðlaunahafarnir ásamt formanni fræðsluráðs. Ljósmynd/vestmannaeyjar.is

Hvatningarverðlaun fræðsluráðs voru afhent þann 17. júní, við hátíðlega athöfn í Einarsstofu. Þetta er í annað sinn sem verðlaunin eru veitt en þau voru veitt í fyrsta skipti í fyrra. Arna Huld Sigurðardóttir, formaður fræðsluráðs, afhenti verðlaunin fyrir hönd ráðsins.

Markmið með Hvatningarverðlaunum er að vekja athygli á því sem vel er gert í fræðslustarfi. Verðlaunin eru hugsuð sem hrós til þeirra sem sýnt hafa framúrskarandi vinnu og er einnig staðfesting á því að viðkomandi er fyrirmynd á því sviði sem viðurkenningin nær til, segir í frétt á vefsíðu Vestmannaeyjabæjar.

21 tilnefning barst um áhugaverð verkefni þetta árið og ber það vott um það faglega og gróskumikla starf sem fram fer í okkar frábæru skólum. Fræðsluráð valdi þrjú verkefni af þeim sem tilnefnd voru til sérstakrar viðurkenningar og hljóta þeir aðilar sem að þeim stóðu Hvatningarverðlaun fræðsluráðs 2021.

Helga Jóhanna Harðardóttir, Sara Jóhannsdóttir, Arnheiður Pálsdóttir, Thelma Hrund Kristjánsdóttir og Lóa Hrund Sigurbjörnsdóttir hljóta Hvatningarverðlaun fræðsluráðs fyrir Himingeiminn en það er þemaverkefni í 6. bekk þar sem nemendur unnu með plánetur, stjörnur, stjörnumerki, geimferðir og geimverur. Við vinnu verkefnisins var m.a. komið inn á lestur, lesskilning, stærðfræði og upplýsingatækni þar sem verkefnum var skilað rafrænt.

Sæfinna Ásbjörnsdóttir hlýtur Hvatningarverðlaun fræðsluráðs fyrir framúrskarandi starf á bókasafni Barnaskólans. Hún er dugleg og áhugasöm um að hvetja nemendur við að finna bækur við hæfi. Hún er með ákveðin þemu í hverjum mánuði sem ætlað er að kveikja áhuga nemenda á lestri. Einnig er hún með fésbókarsíðu þar sem hún setur inn upplýsingar, m.a. um nýjar bækur. Þetta er allt liður í að auka lestraránægju nemenda.

Erla Gísladóttir hlýtur Hvatningarverðlaun fræðsluráðs fyrir verkefnið Fótbolti með 3. bekk. Erla tók það í sínar hendur að búa til góða og jákvæða stemningu á gervigrasvellinum við Hamarsskóla í frímínútum. Henni tókst að fá nánast alla í árganginum til að sameinast um fótbolta, þar sem hún skipti í lið og var sjálf dómari. Verkefnið stóð í 5 vikur og í lokin var haldið lokahóf með verðlaunaafhendingu.

Vestmannaeyjabær óskar verðlaunahöfum til hamingju og þakkar fyrir framlag þeirra til fræðslumála.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).