Fréttatilkynning frá félagsmálaráðuneytinu:

Mesta lækkun atvinnuleysis milli mánaða í 27 ár

10.Júní'21 | 13:35
malbikad_21

Atvinnuátakið „Hefjum störf“ var sett af stað í mars, og var markmiðið með átakinu að til yrðu allt að 7.000 tímabundin störf í samvinnu við atvinnulífið, opinberar stofnanir, sveitarfélög og félagasamtök. Ljósmynd/TMS

Atvinnulausum fækkaði um tæplega 2,400 milli mánaða á landsvísu og hefur ekki fækkað meira frá aldamótum, en fjöldatölur Vinnumálastofnunar ná ekki lengra. 

Atvinnuleysi mældist 9,1% í maí og lækkaði úr 10,4% í apríl. Nemur lækkunin milli mánaða 1,3% og hefur atvinnuleysi ekki lækkað um jafn mörg prósentustig milli mánaða síðan í janúar og febrúar 1994. Þetta kemur fram í skýrslu Vinnumálastofnunar um stöðu og horfur á íslenskum vinnumarkaði. ÞEtta kemur fram í tilkynningu frá félagsmálaráðuneytinu.

10,400 störf í boði hjá Vinnumálastofnun í tengslum við átakið

Ásmundur Einar Daðason, félags- og barnamálaráðherra, setti af stað sérstakt atvinnuátak undir yfirskriftinni „Hefjum störf“ í mars, og var markmiðið með átakinu að til yrðu allt að 7.000 tímabundin störf í samvinnu við atvinnulífið, opinberar stofnanir, sveitarfélög og félagasamtök, en þessir aðilar fá ríflegan stuðning frá hinu opinbera með hverjum nýjum starfsmanni. Átakið hefur farið mjög vel af stað og nú eru alls um 10,400 störf í boði hjá Vinnumálastofnun í tengslum við átakið og vel hefur gengið að ráða einstaklinga sem hafa verið lengi á atvinnuleysisskrá.

Spá áframhaldandi lækkun atvinnuleysis

Vinnumálastofnun spáir áframhaldandi lækkun atvinnuleysis og að atvinnuleysi í júní verði á bilinu 7,3% - 7,7% og að fjöldi atvinnulausra verði mögulega í kringum 14.000 í lok mánaðar ef fram fer sem horfir. Ef sú þróun raungerist, mun fjöldi atvinnuleitenda hafa fækkað úr 20.000 frá því í lok apríl í 14.000 í lok júní.

Atvinnulausum fækkaði í öllum atvinnugreinum í maí, mest í ferðaþjónustutengdum greinum þar sem fækkunin er á bilinu 18% til 21%. Almennt atvinnuleysi var hæst á Suðurnesjum, 18,7% en þar hefur almennt atvinnuleysi verið yfir 20% frá því í október 2020 þar til nú í maí. Spáir Vinnumálastofnun enn frekari lækkun atvinnuleysis á svæðinu í júní.   

Mikið gleðiefni að sjá atvinnuleysi minnka hraðar en spár gerðu ráð fyrir

Ásmundur Einar Daðason, félags-og barnamálaráðherra segir það mikið gleðiefni að sjá atvinnuleysi minnka hraðar en spár gerðu ráð fyrir. „Þessar tölur sýna að þær aðgerðir sem við fórum í með "Hefjum störf" átakinu eru að virka. Ég er virkilega ánægður að sjá hvernig atvinnulífið hefur komið af krafti með okkur í þessar aðgerðir og nú er bara að bæta í, sækja fram af krafti og skapa enn fleiri störf á næstu mánuðum.”

Má bjóða þér að auglýsa hér?

15.Janúar'18

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Mannlíf og saga - hlaðvarp

2.Mars'21

Nýtt hlaðvarp/podcast fer í loftið á fimmtudaginn 4. mars nk. Nýr þáttur kemur út á hverjum fimmtudegi og verður hlaðvarpið aðgengilegt á Eyjar.net ásamt helstu veitum svo sem Spotify og Youtube. Fylgstu með...

Fasteignasalan Eldey

11.Maí'21

Eldey fasteignasala.  Sími 861-8901.  Arndís M. Kjartansdóttir löggiltur fasteignasali.  Goðahrauni 1.  disa@eldey.net.  Lægsta söluþóknunin í Eyjum, 1 % fyrir einkasölu.