Humarleiðangur Hafró hafinn

9.Júní'21 | 10:27
bjarni_s_21

Rannsóknaskipið Bjarni Sæmundsson. Ljósmynd/TMS

Árlegur humarleiðangur Hafrannsóknastofnunar hófst í dag 9. júní á rannsóknaskipinu Bjarna Sæmundssyni. Þetta er í sjötta sinn sem ástand stofnsins er metið með talningu á humarholum.

Rannsóknatog með myndavélasleða verða tekin á humarbleiðum allt frá Lónsdjúpi suðaustanlands vestur í Jökuldjúp undir Snæfellsjökli. Leturhumarinn dvelur oft lengi í auðgreinanlegum holum eða holukerfum sem hann grefur í mjúkan leirinn, segir í frétt á vef Hafrannsóknastofnunar.

Á völdum svæðum verða sýni tekin með humarvörpu til að meta stærðarsamsetningu stofnsins. Einnig verður metið magn humarlirfa út frá átusýnum úr efri lögum sjávar. Nýliðun humarsins er frekar illa þekkt og er söfnun humarlirfanna liður í að varpa ljósi á þá ferla, en undanfarin áratug hefur nýliðun verið léleg. Áætlað er að leiðagurinn vari í 10 daga og fylgjast má með gangi hans á skip.hafro.is.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...

Má bjóða þér að auglýsa hér?

23.Júní'22

Hér má auglýsa allt milli himins og jarðar! Sendu línu á auglysingar@eyjar.net og saman finnum við lausn sem hentar þér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.