Bílvelta á gatnamótum Fellavegar og Helgafellsvegar

2.Júní'21 | 09:34

Eins og sjá má er bifreiðin töluvert skemmd. Ljósmyndir/TMS

Á fimmta tímanum í nótt varð umferðaróhapp á gatnamótum Fellavegar og Helgafellsvegar.

Að sögn Tryggva Kristins Ólafssonar, lögreglufulltrúa hjá Lögreglunni í Vestmannaeyjum varð atvikið með þeim hætti að ökumaðurinn missti stjórn á bifreiðinni á gatnamótum með þeim afleiðingum að bifreiðin lenti utan vega og valt.

Ökumaðurinn, sem var einn í bifreiðinni, kvartaði yfir eymslum eftir óhappið og var fluttur á sjúkrahúsið til frekari skoðunar. Bifreiðin er töluvert skemmd.

Mannlíf og saga - hlaðvarp

2.Mars'21

Fylgstu með hlaðvarpinu Mannlíf og saga. Nýr þáttur kemur út á hverjum fimmtudegi og er hlaðvarpið aðgengilegt hér á Eyjar.net og einnig á helstu veitum, svo sem Spotify. Sjá nánar hér...